Kálfatjarnarsókn

Kálfatjörn, 191 Vogum
s. 565 0022

Prestar

Sr. Kjartan Jónsson, sóknarprestur
Vs. 565 0022, s. 863 2220, kjartan.jonsson(hja)kirkjan.is

Sr. Arnór Bjarki Blomsterberg, prestur
Vs 565 0022, s. 692-8623, arnor(hja)astjarnarkirkja.is

Formaður sóknarnefndar

Vigdís Elísabet Reynisdóttir
S. 861 3868, ellyreynis@gmail.com

Ágrip af sögu sóknarinnar

Kálfatjarnarkirkja var byggð á árunum 1892-93 og vígð 11. júní 1893 af biskupi, herra Hallgrími Sveinssyni. Kirkjan er byggð úr timbri, járnvarin á hlöðnum grunni, meters háum. Kirkjusmiður og höfundur kirkjunnar var Guðmundur Jakobsson, húsasmíðameistari, en honum til aðstoðar var Sigurjón Jónsson kennari. Magnús Árnason, steinsmiður frá Holti á Vatnsleysuströnd hlóð grunninn. Pílárar á svalarbrúnum og í altarisgrindum ásamt ýmsum útskurði annaðist Þorkell Jónsson, bóndi í Móakoti á Vatnsleysuströnd. Bygging kirkjunnar gekk afar hratt, hófst smíði hennar þegar eftir að gamla kirkjan hafði verið rifin, sú kirkja náði aðeins 29 ára aldri, byggð 1864. Nýir bekkir voru smíðaðir í kirkjuna 1968, teiknaðir af Ragnari Emilssyni. Söngloft er vestantil í kirkjunni og út með hliðunum eru svalir. Hún rúmar 150 manns samtals á báðum hæðum. Altaristaflan er eftirmynd altaristöflunnar í Dómkirkjunni í Reykjavík og jafn gömul kirkjunni, gerð af Sigurði Guðmundssyni málara.