Upptökur frá hátíðartónleikum

Eftir Fréttir

Í október 2017 stóð Kjalarnessprófastsdæmi fyrir hátíðartónleikum í tilefni af 500 ára siðbótarafmælinu. Nú eru upptökur frá tónleikunum aðgengilegar á vefnum og má finna á youtube rás prófastsdæmisins.

Hátíðartónleikarnir voru haldnir 28. október í Víðistaðakirkju og 29. október í Hljómahöllinni. Tónleikarnir voru í samstarfi við Sinfóníuhljómsveit áhugamanna og kirkjukóra prófatsdæmisins. Einsöngvarar voru Ragnheiður Gröndal, Bylgja Dís Gunnarsdóttir og Gissur Páll Gissurarson.

Á tónleikunum var frumflutt Lútherskanta eftir Erirík Á. Sigtryggsson, sem var að sögn höfundar heimsögulegur viðburður þar sem þetta er fyrsta kantata sinnar tegundar. Verkið samanstendur af kórþáttum með samleik hljómsveitar og svo stuttum hljómsveitarþáttum á milli. Stíllinn er blanda af hefðbundnum kórsöng í sálmastíl, nútímalegum ómstreitum, dægurlagakenndum hljómum og rómantískum laglínum. Tónverkið er byggt á „95 tesum“ Lúthers, sem voru birtar 31. október árið 1517 og marka upphaf siðbótarinnar.

Á efniskrá tónleikanna voru auk þess Lifandi vatnið, Guð helgur andi heyr oss nú og Heyr himnasmiður.

Safnað fyrir munaðarlausum börnum á æskulýðsdaginn

Eftir Fréttir

Æskulýðsdagur þjóðkirkjunnar er næsta sunnudag, 1. mars, en hann hefur verið haldinn fyrsta sunnudag marsmánaðar í meira en 60 ár. Á þeim degi er athyglinni einkum beint að börnum og unglingum og þau taka virkan þátt í helgihaldi kirkjunnar. Nú eins og undanfarin ár stendur Æskulýðssamband kirkjunnar í Kjalarnessprófastsdæmi fyrir söfnun til styrktar byggingu steinhúsa fyrir munaðarlaus börn í Úganda í samstarfi við Hjálparstarf kirkjunnar. Nánar

Aðalfundur ÆSKK

Eftir Fréttir

Aðalfundur Æskulýðssamband kirkjunnar í Kjalarnessprófastsdæmi verður fimmtudaginn 20. febrúar, kl. 18:00 í safnaðarheimili Lágafellssóknar, Þverholti 3, 3h., Mosfellsbæ. Allt áhugafólk um kristilegt barna- og unlingastarf eru hjartanlega velkomin.

Auk venjulegra aðalfundarstarfa mun Erna Kristín Stefánsdóttir mun fjalla um líkamsvirðingu og að elska sjálfan sig.

Ný heimasíða

Eftir Fréttir

Ný heimasíða Kjalarnessprófastsdæmis hefur verið tekin í notkun sem nú er líka orðin snjallvæn. Hönnun og uppsetning síðunnar var í höndum Allra Átta, sem hefur sérhæft sig í vefsíðugerð, leitarvélabestun, wordpress vefhýsingu og allri almennri markaðssetningu á netinu.

Við þökkum fyrir nýja vefinn.

Fermingarbörnum líður vel í guðsþjónustunni

Eftir Fréttir

Síðastliðið vor var gerð könnun meðal foreldra fermingarbarna í söfnuðum Kjalarnessprófastsdæmis og þau spurð um ýmsa þætti er lúta að fermingarfræðslunni, helgihaldi, þátttöku í æskulýðsstarfi og trúarlegu uppeldi. Markmiðið var að leggja mat á árangurinn og hvað er vel gert eða má betur fara.

Nánar

Börn afhentu Hjálparstarfinu debetkort

Eftir Fréttir

Börn og unglingar fyrir hönd Æskulýðssambands kirkjunnar í Kjalarnessprófastsdæmi afhentu Hjálparstarfi kirkjunnar debetkort að upphæð 481.244.- kr. við fjölskylduguðsþjónustu í Brautarholtskirkju, sem fram fór 13. maí.

Nánar

Héraðsfundur

Eftir Fréttir

Héraðsfundur Kjalarnessprófastsdæmis verður fimmtudaginn 26. apríl í Vídalínskirkju, Garðabæ og hefst með helgistund kl. 17:30. Öllum þjónandi prestum, djáknum, formönnum sóknarnefnda og safnaðarfulltrúum, einnig kirkjuþingsmenn prófastsdæmisins og fulltrúar prófastsdæmisins á leikmannastefnu ber að sækja héraðsfund. Organistum er boðið sérstaklega og annað starfsfólk safnaðanna á rétt til fundarsetu með málfrelsi og tillögurétt.

Nánar

Fjölgun fermingarbarna í Kjalarnessprófastsdæmi

Eftir Fréttir

Fermingin er hátíðisdagur sem er umvafinn gleði og hamingju. Stóri dagurinn sem fermingarbörnin hafa verið að bíða lengi eftir. Fermingarundirbúningi í kirkjunum sem hófst síðasta haust, er að ljúka með æfingum fyrir fermingarmessurnar. Í ár hefur fermingarbörnum í söfnuðum Kjalarnessprófastsdæmis fjölgað umtalsvert. Nánar

„Ég vil að allir eigi heimili“

Eftir Fréttir

Í tilefni af æskulýðsdegi þjóðkirkjunnar stóð Æskulýðssamband Kjalarnessprófastsdæmis að söfnun til að byggja steinhús fyrir munaðarlaus börn í Úganda. Þetta var í annað skiptið sem söfnunin fór fram og safnaðist nú um 500.000.- kr., en fyrir þá upphæð má byggja fjögur steinhús fyrir börn sem búa við sára fátækt og eiga ekkert húsaskjól. Nánar

Upptaka frá kynningarfundi

Eftir Fréttir

Mánudaginn 12. mars fór fram kynningarfundur með þeim sem hlotið hafa tilnefningu til að vera í kjöri til vígslubiskups í Skálholti. Fundurinn var sendur út beint og hér má horfa á upptöku frá fundinum. Nánar