Nú styttist í annan endann á vísitasíu Agnesar biskups í Kjalarnessprófastsdæmi. Um næstu helgi heimsækir Agnes Grindvíkinga, og kynnir sér starf safnaðarins í Grindavík.
Sóknarnefndin í Grindavík vill gefa öllum bæjarbúum tækifæri til að hitta biskupinn og býður til hádegisgrills í kirkjunni á föstudaginn. Þangað eru allir velkomnir. Að auki heimsækir Agnes leikskóla og á fundi með sóknarnefnd kirkjunnar og starfsfólki safnaðarins.
