febrúar 2026

Kirkjulistaviku lauk sunnudaginn 15. febrúar með barnakóratónleikum í Hafnarfjarðarkirkju. Barna- og unglingakórarnir höfðu æft fjölbreytta efnisskrá tónleikanna frá áramótum og komu saman á sunnudeginum til að æfa sameiginlega á barnakóramóti sem lauk með tónleikum í kirkjunni.

Um 100 börn tóku þátt í tónleikunum ásamt hljómsveit, kórstjórum og tónlistarkonunni Hafdísi Huld. Yfirskrift tónleikanna var „Í skugga vængja þinna“, sem var einnig yfirskrift kirkjulistaviku prófastsdæmisins. Tónleikarnir tókust afar vel og voru fjölsóttir.

Hér er hægt að horfa á upptöku frá tónleikunum.

Kórar sem tóku þátt voru:

• Himinn og jörð – Keflavíkurkirkja
  Regnbogaraddir – Keflavíkurkirkja
  Stjórnendur: Arnór B. Vilbergsson og Freydís Kneif Kolbeinsdóttir
• Barna- og unglingakór Hafnarfjarðarkirkju
  Stjórnendur: Guðný Alma Halldórsdóttir og Helga Sigríður Kolbeins
• Skólakór Sandgerðisskóla
  Stjórnandi: Sigurbjörg Hjálmarsdóttir og Elsu Mörtu Ægisdóttur
• Barnakór Lágafellssóknar
  Stjórnendur: Valgerður Jónsdóttir og Sylvía Þórðardóttir
• Ungmennakór Víðistaðakirkju
  Stjórnendur: Sveinn Arnar Sæmundsson og Helga Sigríður Kolbeins

Barna- og unglingakórar flytja fjölbreytta efnisskrá ásamt Hafdísi Huld, sunnudaginn 14. febrúar, kl. 16:00 í Hafnarfjarðarkirkju. Tónleikarnir marka jafnframt lok kirkjulistaviku sem hófst 8. febrúar undir sömu yfirskrift. Nánari upplýsingar á Facebook.

Ókeypis aðgangur og verum hjartanlega velkomin.

• Regnbogaraddir frá Keflavíkurkirkju
• Skólakór Sandgerðisskóla
• Barnakór Lágafellssóknar
• Himinn og jörð frá Keflavíkurkirkju
• Ungmennakór Víðistaðakirkju
• Barna- og unglingakór Hafnarfjarðarkirkju

Dagana 8.-15. febrúar fer fram kirkjulistavika í söfnuðum prófastsdæmisins. Nánari upplýsingar um viðburðina: Kirkjulistavika.

Yfirskrift kirkjulistavikunnar er sótt í Sálmana: „Í skugga vængja þinna.“, en þar koma þessi orð nokkrum sinnum fyrir. Fallegt myndmál sem tjáir djúpa nánd, öryggi og vernd sem erfitt er að fanga með orðum. Líkt og í trúnni finnum við í listinni skjól og svigrúm til að tjá djúpar tilfinningar, vonir og þrár. Í skjóli vængjanna blómstrar lífið í fegurð og lofgjörð til Guðs.

Nú í ár eru fjölbreyttir viðburðir í söfnuðum prófastsdæmisins eða alls 16, t.d. tónleikar, myndlistarsýningar, gjörningur, listfyrirlestur og margt fleira. Kirkjulistaviku lýkur með barnakóramóti sunnudaginn, 15. febrúar, kl. 16:00 í Hafnarfjarðarkirkju: https://fb.me/e/6jR5enG67.

Frítt er inn á alla viðburðina og verum öll hjartanlega velkomin.