apríl 2026

Héraðsfundur Kjalarnessprófastsdæmis verður miðvikudaginn, 29. apríl, 2026, í Ástjarnarkirkju, kl. 17:30-20:30.

Samkvæmt starfsreglum um héraðsfundi og héraðsnefndir nr. 965/2006 er héraðsfundur aðalfundur prófastsdæmis og fjallar um málefni sem varða starf þjóðkirkjunnar í prófastsdæminu og samræmir og markar sameiginlegt kirkjustarf í prófastsdæminu. Þar fara fram starfsskil héraðsnefndar vegna síðasta árs, svo og reikningsskil héraðssjóðs.

Á héraðsfund mæta þjónandi prestar og djáknar í prófastsdæminu, safnaðarfulltrúar og formenn sóknarnefnd eða varamenn þeirra, kirkjuþingsmenn og fulltrúar prófastsdæmisins á leikmannastefnu. Starfsmönnum sókna og prófastsdæmis svo og öllum áhugamönnum innan þjóðkirkjunnar um kirkjuleg málefni er heimilt að sækja héraðsfund með málfrelsi og tillögurétt. Á héraðsfundi hafa atkvæðisrétt tveir fulltrúar frá hverri sókn og starfandi prestar og djáknar.

Dagskrá fundarins:

1. Helgistund
2. Kosning fundarstjóra og fundarritara
3. Skýrsla héraðsnefndar um starfsemi liðins árs þar sem m.a. skal getið um framkvæmd ályktana og samþykkta síðasta héraðsfundar
4. Ársreikningar héraðssjóðs til samþykktar fyrir árið 2025
5. Starfsáætlun héraðsnefndar þ.m.t. styrkir og fjárhagsáætlun héraðssjóðs fyrir árið 2026 til samþykktar
6. Starfsskýrslur sókna, nefnda, héraðsprests, svæðisfulltrúi æskulýðsmála og annarra starfsmanna prófastsdæmisins lagðar fram svo og ársreikningar sókna og kirkjugarða
7. Mál er varða kirkjuþing, tekin til umfjöllunar og afgreiðslu
8. Samþykktir prestastefnu og leikmannastefnu kynntar
9. Ákvörðun um greiðslur til kjörinna héraðsnefndarmanna fyrir störf þeirra á liðnu ári
10. Sameiginleg mál sóknarnefnda er varða rekstur og starfsmannahald
11. Kosningar
    1. Kosning aðalmanna og varamanna til héraðsnefndar, annarra en formanns, til tveggja ára í senn – vígður.
    2. Kosning aðalmanns og varamanns í stjórn Sóknasambands þjóðkirkjunnar til fjögurra ára. Kjörgengir eru aðal- og varafulltrúar í sóknarnefndum, sem ekki gegna föstu, launuðu starfi hjá Þjóðkirkjunni.
12. Aðrar kosningar eða tilnefningar sem heyra undir héraðsfund
13. Önnur mál

1. 1. Nýjungar barnastarfi í Esjuprestakalli – Katrín Valdís Hjartardóttir, æskulýðsfulltrúi
   2. Kynningar á frambjóðendum leikmanna til kirkjuþings

Verið velkomin til héraðsfundar 2026