Nefnd á vegum Kjalarsessprófastsdæmis hélt vinnufund í Víðistaðakirkju 3. júní til að undirbúa tillögu að menntabraut fyrir starfsfólk í æskulýðsstarfi Þjóðkirkjunnar. Fulltrúum guðfræðideildar , dr. Pétri Péturssyni, og menntasviðs Háskóla Íslands, dr. Gunnari J. Gunnarssyni, var boðið á fundinn ásamt fulltrúa djáknafélagsins, Magneu Sverrisdóttur. Pétur Björgvin Þorsteinsson, djákni, greindi frá tilhögun menntunar slíks starfsfólks lúthersku kirknanna í Þýskalandi og sr. Guðrún Karlsdóttir frá tilhögun hennar í Svíþjóð. Nánar
Árlegur haustfundur prófasts með prestum og djáknum verður haldinn í safnaðarheimili Lágafellssóknar fimmtudaginn 9. september kl. 9:30-12:30.
Leiðarþing Kjalarnessprófastsdæmis verður haldið 6. október kl. 17-21 í safnaðarheimili Keflavíkurkirkju. Dagskráin verður send út síðar.
Haustfundur prófasts Kjaranessprófastsdæmis með formönnum sóknarnefnda og gjaldkerum verður haldinn í safnaðarheimili Víðistaðakirkju 7. september kl. 17-20. Á fundinum verður m.a. fjallað um fjármál safnaðanna.
Næstkomandi sunnudag verður efnt til óvenjulegrar guðsþjónustu suður með sjó. Hjólað verður á milli kirkna á utanverðum Reykjanesskaganum og á hverjum stað verður einn liður messunnar fluttur. Nánar
Vorfundur prófasts Kjalarnessprófastsdæmis verður haldinn í safnaðarheimili Hafnarfjarðarkirkju, Strandbergi, miðvikudaginn 5. maí kl. 17:30 – 21. Vænst er þátttöku allra formanna sóknarnefnda í prófastsdæminu.
Vorfundur prófasts með prestum og djáknum Kjalarnessprófastsdæmis verður haldinn í safnaðarheimili Hafnafjarðarkirkju, Strandbergi, 4. maí kl. 9 – 12. Vænst er þátttöku allra presta og djákna.
Á málþingi Kjalarnessprófastsdæmis um frjálslynda þjóðkirkjuhefð sem haldið verður í Reykholti 20-21. maí 2010 verður prófessor emeritus Klaus-Peter Jörns gestur okkar og aðalfyrirlesari. Málþinginu er ætlað að skoða inntak þeirrar guðfræði sem liggur þjóðkirkjuhugsjóninni til grundvallar og jafnframt verður hugað að endurvakningu þessarar hefðar í samtímaguðfræði og kirkjulífi. Málþingið er öllum opið. Sjá dagkrá. Nánar
Árlegur Kirkjudagur Kálfatjarnarkirkju verður haldinn hátíðlegur sunnudaginn 9. maí kl. 14:00 með guðsþjónustu í kirkjunni en kirkjan á 117 ára vígsluafmæli 11. júní. Nánar
G e g n f á t æ k t o g ó j ö f n u ð i
Söfnuður Ástjarnarkirkju býður upp á U2 messu á uppstigningardag, 13. maí, kl. 20:00 í Haukaheimilinu í Hafnarfirði.
Kór Ástjarnarkirkju syngur undir stórn Helgu Þórdísar Guðmundsdóttur.
Sérstakir gestasöngvarar verða Regína Ósk og Svenni Þór.
Hljómsveit Hjartar Howser leikur undir, en hana skipa auk hans, Egill Rafnsson og Haraldur Þorsteinsson.
Sr. Kjartan Jónsson og Sr. Bára Friðriksdóttir leiða stundina. Sjá nánar hér Nánar
Nýlegar athugasemdir