Skip to main content
Flokkur

Fréttir

Fundur prófasts með fulltrúum Félagsþjónustunnar í Reykjanesbæ

Eftir Fréttir

Í tengslum við vísitasíu sína í Keflavík átti prófastur fund með tveim fulltrúum Félagsþjónustunnar í Reykjanesbæ ásamt prestum Keflavíkurprestakalls. Stefnt er að námskeiði um afleiðingar skilnaðar á börn, þar er um að ræða framhald ráðstefnunnar „Áfram ábyrg“ sem haldin var af Kjalarnessprófastsdæmi, Félagsþjónustunni og Keflavíkurprestakalli.

Vísitasía prófasts í Njarðvíkurprestakalli 27. maí

Eftir Fréttir

Miðvikudaginn 27. maí vísiteraði prófastur Njarðvíkurprestakall, heimsótti kirkjunar þrjár, Njarðvíkurkirkju, Ytri-Njarðvíkurkirkju og Kirkjuvogskirkju í Höfnum. Í lok vísitasíunnar hélt prófastur fund með sóknarpresti og fulltrúum sóknanna, rætt var um kirkjustarfið, kirkjur, safnaðarheimili og kirkjugarða. Vaxandi starf er í prestakallinu og margir eru virkir sem sjálfboðaliðar í starfinu, talsvert hefur fjölgað í Njarðvíkurprestakalli á undanförnum misserum, munar þar mestu um fjölgun í Innri-Njarðvík og á Vallarheiði.

Námskeið um stjórnun í kirkjustarfi

Eftir Fréttir

Í tengslum við vísitasíu sína í Njarðvíkurprestakalli átti prófastur fund með Hjálmari Árnasyni framkvæmdastjóra Flugakademíu og Heilsuskóla Keilis og Bryndísi Blöndal stjórnunarfræðingi; með prófasti sat Ásbjörn Jónsson fulltrúi í héraðsnefnd Kjalarnessprófastsdæmis fundinn. Niðurstaðan var sú að stefnt skyldi að námskeiði um stjórnun í kirkjustarfi fyrir presta, djákna og sóknarnefndafólk föstudaginn 4. sept. n.k. Námskeiðið verður auglýst strax og dagskrá liggur fyrir.

Valnefndarfundur í Garðaprestakalli verður 9. júní.

Eftir Fréttir

Valnefndarfundur í Garðaprestakalli verður 9. júní en umsóknarfrestur um prestakallið rann út 20. maí, fimm umsækjendur eru um prestakallið: Cand. theol. Guðbjörg Ólöf Björnsdóttir, séra Guðbjörg Jóhannesdóttir, séra Hannes Björnsson, séra Hans Guðberg Alfreðsson og séra Þórhildur Ólafs. Embættið verður veitt frá 1. sept. n.k.

X