Prestarnir í Kjalarnessprófastsdæmi þjónuðu í rúmlega 60 messum, guðsþjónustum og helgistundum um jólin. Nokkrar af prédikununum þeirra hafa birst á vefnum Trú.is. Þar hrósa prestarnir og brýna, uppörva, hvetja til góðra verka og varpa ljósi á helgi jólanna, endurlit áramótanna og von nýja ársins. Nánar
Margir fara í kirkju um jól og áramót. Í kirkjum prófastsdæmisins eru í boði rúmlega 60 guðsþjónustur og messur um hátíðina svo allir ættu að geta fundið eitthvað við sitt hæfi. Nánar
Aðventufundur með prestum og djáknum í Kjalarnessprófastsdæmi verður haldinn 9. desember n.k. í Hlégarði í Mosfellsbæ. Á fundinum fer prófastur, dr. Gunnar Kristjánsson, yfir prédikunartexta aðventu og jóla.
Prófastur vísiteraði í Garðaprestakalli fyrr í mánuðinum. Þessar myndir voru teknar í vísitasíu í Bessastaðasókn og Garðasókn. Nánar
Bókakaffið heldur áfram í Kjalarnessprófastsdæmi. Fimmtudaginn 1. desember kemur prófessor Pétur Pétursson á skrifstofu prófastsdæmisins með nýútkomna bók sína um Harald Níelsson, sem ber heitið Trúmaður á tímamótum. Nánar
Nóvember er bókamánuður í Kjalarnessprófastsdæmi! Fimmtudaginn 24. nóvember kemur sr. Jóna Hrönn Bolladóttir í heimsókn á skrifstofu prófastsdæmisins og ræðir um bók þeirra hjóna Af heilum hug, sem Björg Árnadóttir skrásetti. Nánar
Nóvember er bókamánuður í Kjalarnessprófastsdæmi. Fimmtudaginn 17. nóvember kemur Óskar Guðmundsson í heimsókn á skrifstofu prófastsdæmisins í Mosfellsbæ kl. 10-11.30 og kynnir bók sína Brautryðjandinn um Þórhall Bjarnarson. Nánar
Kirkjuþing verður sett í Grensáskirkju kl. 9 laugardaginn 12. nóvember. Pétur Kr. Hafstein, forseti kirkjuþings, flytur setningarræðu og Karl Sigurbjörnsson, biskup Íslands, og Ögmundur Jónasson, innanríkisráðherra, flytja ávörp. Dr. Sólveig Anna Bóasdóttir, forseti guðfræði- og trúarbragðafræðideildar Háskóla Íslands flytur erindið „Kirkjan og kynferðisofbeldi Hvað höfum við lært? Hvernig höldum við áfram?“ Nánar
Margmiðlunarguðsþjónustan Bænarý verður í Grensáskirkju föstudaginn 11. nóvember kl. 20. Þann dag fer fram kirkjuþing unga fólksins í Grensáskirkju.
Á Bænarý er nýjasta samskiptatækni notuð til boðunar og farsímar kirkjugesta gegna lykilhlutverki. Á Bænarý slökkvum við ekki á farsímunum og erum dugleg að taka myndir. Þrjú stór tjöld eru notuð við miðlunina og þar birtast á gagnvirkan hátt myndir, textar, skilaboð og bænir. Nánar
Í dag er dagur gegn einelti. Í tilefni af því verður kirkjuklukkum hringt kl. 13 í kirkjum um allt land og þannig minnt á þetta samfélagslega böl. Í hádeginu í dag verður opnaður nýr vefur á gegneinelti.is. Þar verður hægt að skrifa undir þjóðarsáttmála um jákvæð samskipti. Nánar
Nýlegar athugasemdir