Endurskoðað fermingarhefti Kjalarnessprófastsdæmis Faðir vor, trúarjátningin & boðorðin tíu er komið út. Um er að ræða vandað og handhægt kennsluefni sem samanstendur af fróðleik og verkefnum. Fermingarbarnið er hér í forgrunni, leitast er við að tengja Faðir vor, trúarjátninguna og boðorðin tíu við reynsluheim þess. Heftið er 36 blaðsíður að lengd, myndskreytt og hentar bæði stórum sem smáum hópum fermingarbarna. Hægt er að nálgast heftið á skrifstofu Kjalarnessprófastsdæmis.

Prestar og djáknar eru boðaðir til föstu- og páskafundar með prófasti miðvikudaginn 24. mars í Kirkjuhvoli, Vídalínskirkju. Fundurinn hefst kl. 9.30 með kaffisopa og lýkur kl. 12.30 með léttum hádegisverði. Nánar

Nýr bæklingur um skírnina kemur út á vegum Kjalarnessprófastsdæmis í ársbyrjun 2010. Hann er áþekkur bæklingi um Faðirvorið sem gefinn var út árið 2008 og var vel tekið. Hann er með harmonikkulagi, myndskreyttur af Þorfinni Sigurgeirssyni myndlistarmanni.

Í ársbyrjun 2010 kemur út á vegum Kjalarnessprófastsdæmis bókin Þjóðkirkjan og lýðræðið sem er helguð minningu sr. Ólafs Skúlasonar biskups sem hefði orðið áttræður 29. desember. Hann beitti sér fyrir setningu þjóðkirkjulanna sem samþykkt voru á Alþingi árið 1997. Nánar

Hér er hægt að fá allar upplýsingar um helgihald í kirkjum Kjalarnessprófastsdæmis um jól og áramót 2009. Nánar

Gospelkór Jóns Vídalíns er samstarfsverkefni Vídalínskirkju í Garðabæ og fjölbrautaskólans í Garðabæ. Þetta er öflugur kór sem María Magnúsdóttir söngkona stjórnar. Unga fólkið er á aldrinum 16-25 ára og þau syngja kraftmikla gospeltónlist og eftir mjög þekkta og jafnframt nýja tónlistarmenn í gospeltónlist. Nánar

Árlegur aðventufundur prófasts með prestum og djáknum verður haldinn 10. desember kl. 9:30 – 13 í Strandbergi í Hafnarfirði. Farið verður yfir prédikunartexta jólanna. Samveran endar með hádegisverði í boði prófastsdæmisins. Þessar samverur hafa verið góður undirbúningur fyrir jólavertíðina og til að styrkja samfélagið okkar. Því er mikilvægt að taka þennan tíma frá og vera með.

Á aðventufundi presta og djákna í Kjalarnessprófastsdæmi verður Sigurður Pálsson skáld gestur og ræðumaður. Hann mun lesa úr verkum sínum og spjalla um þá texta sem hann les, í framhaldi verða almennar umræður. Fundurinn verður í Strandbergi, safnaðarheimili Hafnarfjarðarkirkju fmmtudaginn 10. des. og hefst kl. 9,30. Fundurinn hefst með því að farið verður yfir prédikunartexta jólanna og rætt um prédikanir jólanna og undirbúning þeirra. Samverunni lýkurr með hádegisverði í boði prófastsdæmisins.

Vegna vaxandi umsvifa í Tjarnarprestakalli og mikillar fjölgunar íbúa þar á undanförnum misserum hefur sr. Kjartan Jónsson héraðsprestur verið fenginn til að létta undir með sr. Báru Friðriksdóttur sóknarpresti og hefur hann þjónað í prestakallinu frá byrjun október í 60 – 70 % starfi. Íbúar í prestakallinu eru nú um 7.000. Tveir söfnuðir eru Tjarnarprestakalli, Ástjarnarsókn og Kálfatjarnarsókn. Nánar

Mikill hugur var í sóknarnefnd og starfsfólki Átjarnarsóknar á fyrsta fundi stefnumótunarvinnu safnaðrins sem haldinn var 5. nóvember í safnaðarheimili Ástjarnarkirkju. Viðfangsefnið var framtíð safnaðarins og áherslur í starfi. Nánar