Fréttir

Um fjörutíu prestar, guðfræðingar og guðfræðinemar tóku þátt í tveggja daga prédikunarseminari í Skálholti 7.-9. október. Þetta var tíunda prédikunarseminarið sem Kjalarnessprófastsdæmi stendur fyrir, með það að markmiði að auka þekkingu og færni presta til að takast á við þetta mikilvægasta hlutverk sitt, sem er að prédika fagnaðarerindið í samtímanum. Nánar

Á tímum erfiðleika og niðurskurðar megum við ekki missa sjónar á því sem skiptir öllu máli. Stærsta auðlind kirkjunnar er fólkið sjálft. Nánar

Leiðarþing Kjalarnessprófastsdæmi var haldið miðvikudaginn 3. október, í Lágafellssókn. Leiðarþingið er auka héraðsfundur prófastsdæmisins, þar sem lögbundin verkefni sem ekki klárast á héraðsfundi, eru til lykta leidd. Þar að auki eru á dagskrá kynning á ýmsum verkefnum í söfnuðum prófastsdæmisins. Nánar

Í tíunda sinn býður Kjalarnessprófastsdæmi til seminars um prédikunina í Skálholti. Í þetta sinn verður kastljósinu beint að frelsinu í lífi manneskjunnar og í trúnni og skoðað verður hvernig því er miðlað í prédikun. Nánar

Opið málþing á vegum Framtíðarhóps kirkjuþings og Kjalarnessprófastsdæmis verður haldið í Vídalínskirkju í Garðabæ, mánudaginn 1. október. Á málþinginu verður glímt við spurningar á borð við:

• Á að vera ákvæði um þjóðkirkju í stjórnarskrá?
• Hvað merkir Já og hvað merkir Nei í komandi þjóðartkvæðagreiðslu?
• Samræmist þjóðkirkjuákvæði í stjórnarskrá grunngildum samfélagsins á borð trúfrelsi, jöfnuð og sanngirni?

Til að auðvelda sem flestum þátttöku er málþingið haldið tvisvar sama daginn, kl. 13-15 og 20-22. Nánar

Leiðarþing Kjalarnessprófastsdæmis verður haldið miðvikudaginn 3. október. Leiðarþing er auka-héraðsfundur þar sem lögbundin verkefni eru afgreidd og kirkjufólk hittist til að læra og uppörvast af hvert öðru. Nánar

Um helgina verður haldinn kyrrðardagur í Mosfellskirkju í Mosfellsdal, þar sem áhersla er lögð á kristna íhugun og útiveru.  Nánar

Næstkomandi sunnudag, 23. september verður haldið upp á þrjátíu ára afmæli Grindavíkurkirkju með messu sem hefst kl. 11. Biskup Íslands, Agnes M. Sigurðardóttir, prédikar. Nánar

Sameiginlegur þingmálafundur fyrir Reykjavíkur- og Kjalarnessprófastsdæmi verður haldinn miðvikudaginn 26. september kl. 17.30 í Digraneskirkju í Kópavogi. Nánar

Væntanleg atkvæðagreiðsla þar sem meðal annars verður tekin afstaða til þess hvort í stjórnarskrá skuli vera ákvæði um þjóðkirkju á Íslandi var meðal þess sem var rætt á haustfundi prófasts með prestum og djáknum í Vídalínskirkju í morgun. Fundurinn hófst með helgistund í umsjón sr. Jónu Hrannar Bolladóttur sóknarprests en hún leiddi hópinn í hugleiðslu og slökun með bæn. Nánar