a8

Sr. Agnes M. Sigurðardóttir, sem er nýkjörinn biskup Íslands, var gestur á vorfundi presta, djákna og formanna sóknarnefnda í Kjalarnessprófastsdæmi í gær. Á fundinum var starfið í prófastsdæminu kynnt stuttlega og fundarmönnum gafst tækifæri til samtals við hinn nýkjörna biskup. Um þrjátíu manns úr prófastsdæminu öllu sóttu fundinn. Nánar

Kirkjuráð hefur nú skipað nýja æskulýðsnefnd þjóðkirkjunnar. Er það gert samkvæmt ályktun Kirkjuþings 2011. Í nefndinni eiga sæti fulltrúar úr öllum prófastsdæmum auk fulltrúa frá Æskulýðssambandi þjóðkirkjunnar og frá Biskupsstofu. Fulltrúi Kjalarnessprófastsdæmis eru sr. Sigurður Grétar Sigurðsson, sóknarprestur á Útskálum, og Torfey Rós Jónsdóttir. Nánar

Hinn almenni bænadagur er að venju haldinn 5. sunnudag eftir páska, sem nú er hinn 13. maí. Á hinum almenna bænadegi er löng hefð fyrir því að söfnuðir landsins sameinist um eitt fyrirbænarefni. Að þessu sinni er yfirskrift bænadagsins: „Biðjum fyrir kirkju og þjóð á krossgötum.“ Nánar

Sr. Agnes M. Sigurðardóttir sem var kjörin biskup Íslands, verður gestur á vorfundi Kjalarnessprófastsdæmisins, miðvikudaginn 9. maí næstkomandi. Á fundinum verður rætt um starfið í prófastsdæminu, stöðu mála og  það sem er framundan, sýnina á erindi þjóðkirkjunnar og brýnustu verkefni hennar. Nánar

Leikmannastefna var haldin í Keflavíkurkirkju um helgina. Við upphaf stefnunnar flutti dr. Gunnar Kristjánsson, prófastur í Kjalarnessprófastsdæmi, ávarpið Á tímamótum sem hefur nú verið birt á Trú.is. Þar ræðir hann um stöðu kirkju og þjóðfélags og fjallar um eðli íslenskrar trúarmenningar og rætur hennar í siðbótarhreyfingu Marteins Lúthers. Nánar

Leikmannastefna þjóðkirkjunnar verður haldin í safnaðarheimili Keflavíkurkirkju dagana 13 og 14. apríl 2012. Yfirskrift stefnunnar er að þessu sinni Er kirkjan á krossgötum? – Þjóðkirkjufrumvarpið í undirbúningi. Nánar

Vaktu með Kristi er næturlöng dagskrá fyrir ungt fólk í æskulýðsstarfi kirkjunnar sem er haldin aðfararnótt föstudagsins langa. Að þessu sinni er næturvakan haldin í Neskirkju. Unglingarnir og leiðtogar þeirra leiða hugann að atburðum næturinnar þegar Jesús var svikinn og samfélaginu sem hann átti með lærisveinum sínum. Nánar

Laugardaginn 7. apríl kl. 16.00 verða haldnir tónleikar í kirkjunni  á Reynivöllum í Kjós, til styrktar bágstöddum hér innanlands.

Flytjendur á þessum tónleikum eru Guðný Guðmundsdóttir fiðluleikari, Gunnar Kvaran sellóleikari og Haukur Guðlaugsson organleikari.
Flutt verða verk eftir J.S.Bach, Charles Gounod, Camille Saint-Saëns og Felix Mendelssohn. Nánar

Úr er komin bókin Á mælikvarða mannsins. Leiðir til samtímalegrar prédikunar eftir Wilfried Engemann, prófessor í praktískri guðfræði við Vínarháskóla. Bókin geymir þrettán fyrirlestra sem Engemann hefur flutt á prédikunarseminörum Kjalarnessprófastsdæmis í Skálholti. Gunnar Kristjánsson, prófastur í Kjalarnessprófastsdæmi, hefur þýtt fyrirlestrana á íslensku og ritar ítarlegan eftirmála um prédikunarfræði í íslensku samhengi. Nánar