Um 200 manns munu koma að hátíðartónleikum sem Kjalarnessprófastsdæmis stendur fyrir í tilefni 500 ára siðbótarafmælisins og verða í Víðistaðakirkju laugardaginn 28. október og í Hljómahöllinni 29. október og hefjast kl. 16:00. Fjölbreytt efnisskrá og frumflutningur Lútherskantötu eftir tónskáldið Eirík Árna Sigtryggsson. Verum öll hjartanlega velkomin. Nánar
Mánudaginn 2. okt. kl. 18:00 stendur Kjalarnessprófastsdæmi fyrir fundi með þeim Revd. Stephen Pullin, sóknarpresti í St. Mary the Virgin og aðstoðarmanni biskupsins í Berkshire, og Chris West, stjórnandaæskulýðssambands kirkjunnar í St. Lawrence,, Reading. Þeir munu fjalla um: „Tradtional church, unconventional ministry.“
Þann 21. september, kl. 17:30 Í safnaðarheimili Hafnarfjarðarkirkju stendur Kjalarnessprófastsdæmi fyrir kynningarfundi á þeim sem hafa hlotið tilnefningu til að vera í kjöri til vígslubiskups í Skálholti. Það eru: Axel Árnason Njarðvík, Eiríkur Jóhannsson og Kristján Björnsson. Á fundinum verða þeir með framsögur og boðið upp á fyrirspurnir. Fundurinn er öllum opin. Nánar
Héraðsfundur Kjalarnessprófastsdæmis verður fimmtudaginn 27. apríl í Strandbergi, Hafnarfjarðarkirkju og hefst með helgistund kl. 17:30. Öllum þjónandi prestum, djáknum, formönnum sóknarnefnda og safnaðarfulltrúum ber að sækja héraðsfund. Organistum er boðið sérstaklega og annað starfsfólk safnaðanna á rétt til fundarsetu.
Í tilefni 500 ára siðbótarafmælinu árið 2017 stendur Kjalarnessprófastsdæmi fyrir tveimur tónleikum með fjölbreyttri efniskrá og frumflutningi á Lútherskantötu í samstarfi við kirkjukóra og organista prófastsdæmisins og Sinfóníuhljómsveit áhugamanna. Tónleikarnir verða laugardaginn 28. október, kl. 16:00 í Víðistaðakirkju og sunnudaginn 29. október kl. 16:00 í Hljómahöllinni, Reykjanesbæ. Nánar
Á æskulýðsdegi þjóðkirkjunnar 5. mars síðastliðinn tóku börn og unglingar á Suðurnesjum, Kjalarnesi, Hafnarfirði, Garðabæ og Álftanesi höndum saman og söfnuðu fyrir steinhúsum fyrir munaðarlaus börn í Úganda. Þau stóðu m.a. fyrir kaffisölu, kaffihúsi, fjáröflunarbingó og einnig var safnað framlögum með samskotum við guðsþjónustur. Nokkrar kirkjur munu halda söfnuninni áfram út vorið, en nú hafa safnast 287.227.- kr. og fyrir þá upphæð er hægt að byggja tvö steinhús fyrir munaðarlaus börn.
Á næstu vikum munu 717 börn í söfnuðum Kjalarnessprófastsdæmis stíga fram, krjúpa við altarið og staðfesta að þau vilji leitast við að hafa Jesú Krist að leiðtoga lífsins. Börnin munu fermast í 52 messum í kirkjum í Hafnarfirði, Garðabæ, Mosfellsbæ, Kjós, á Kjalarnesi og Suðurnesjum. Yfir 3000 börn fermast árlega í söfnuðum Þjóðkirkjunnar. Nánar
Æskulýðsdagur þjóðkirkjunnar er næstkomandi sunnudag 5. mars. Þá taka börn og unglingar virkan þátt í helgihaldi kirkjunnar og leggja gott að mörkum og láta til sín taka. Unga fólkið í Kjalarnessprófastsdæmi mun sameinast um að hjálpa munaðarlausum börnum í Úganda að eignast heimili í steinhúsi. Það veitir skjól fyrir vindi, rigningu og nætursvalanum og er einnig vörn gegn smiti og veikindum. Af bárujárnsþakinu er hægt að safna vatni og munaðarlausir unglingar læra handverk með því að taka þátt í að byggja húsin. Nýtt hús gefur bjartsýni og von og er margföld blessun. Að verkefninu kemur Hjálparstarf kirkjunnar og fer söfnunin fram með fjölbreyttum hætti. Nánar
Mánudaginn 23. janúar, kl. 20:00 verður samkirkjuleg bænastund með þátttöku frá Hvítasunnukirkjunni, Aðventkirkjunni, Kaþólsku kirkjunni og Þjóðkirkjunni. Bænastundin verður í Ástjarnarkirkju, Kirkjuvöllum 1, Hafnarfirði. Verum öll hjartanlega velkomin.
Bænastundin er hluti af dagskrá alþjóðlegrar samkirkjulegri bænaviku og í ár er hún tileinkum fimm alda minningu siðbótarinnar. Efni bænavikunnar kemur frá Þýskalandi og áhersla er lögð á að fagna kærleika Krists sem knýr kristið fólk til að iðka sátt og stuðla að samlyndi í daglegri trúargöngu sinni.
Nýlegar athugasemdir