Fundur um málefni kirkjuþings verður haldinn fimmtudaginn 7. apríl í Kirkjuhvoli, safnaðarheimili Vídalínskirkju í Garðabæ kl. 20. Kirkjuþingsfulltrúar Kjalarnessprófastsdæmis efna til fundarins. Nánar
Í kvöld, 30. mars útskrifast 25 ungmenni úr Farskóla leiðtogaefna, en þetta er lokapunkturinn á farsælu starfi farskólans í vetur á Reykjavíkursvæðinu. Útskriftin fer fram í Dómkirkjunni kl. 20.00 og bjóða þátttakendur farskólans fjölskyldum sínum og leiðtogum til messu og að henni lokinni, kaffi í safnaðarheimili Dómkirkjunnar. Nánar
Mótlæti hefur aldrei dregið kjarkinn úr kirkjunni, sagan sýnir í reynd hið gagnstæða, mótlæti hefur ávallt orðið henni tilefni til siðbótar, til að líta í eigin barm og spyrja: hvað má betur fara hjá okkur, hvað getum við gert betur, hvernig snúum við vörn í sókn, hvernig verðum við betri kirkja, betri söfnuðir, trúverðugri fulltrúar Krists í þessum heimi?
Úr yfirlitsræðu prófasts á héraðsfundi Kjalarnessprófastsdæmis 9. mars.
Liljur vallarins er ný íslensk heimildamynd eftir Þorstein Jónsson. Hún greinir frá lífinu í fallegri sveit og stórum sem smáum viðfangsefnum fólksins í sveitinni. Kjalarnessprófastsdæmi stendur fyrir sýningu á Liljum vallarins og umræðum um myndina og efni hennar, mánudaginn 14. mars. Nánar
Héraðsfundur Kjalarnessprófastsdæmis 2011 verður haldinn miðvikudaginn 9. mars í Vídalínskirkju í Garðabæ. Samkvæmt starfsreglum þjóðkirkjunnar er héraðsfundur aðalfundur prófastsdæmis og fjallar um málefni sem varða starf þjóðkirkjunnar í prófastsdæminu. Nánar
Lútherska kirkjan í Finnlandi hefur afhent Biskupsstofu, fyrir hönd þjóðkirkjunnar, gjöf að upphæð 50 þúsund Evra. Gjöfin er hugsuð til stuðnings kærleiksþjónustu á Íslandi. Biskupsstofa hefur ákveðið að hluti af þeirri upphæð, eða 5 milljónir, verði auglýstir sem styrkir til verkefna á sviði kærleiksþjónustu, eða díakóníu. Nánar
Námskeið fyrir sóknarnefndir Kjalarnessprófastsdæmis í fjármála- og bókhaldslæsi verður haldið 24. febrúar. Markmið námskeiðsins er meðal annars að kynna grundvallaratriði, hlutverk og tilgang bókhalds, og að auka almenna þekkingu á fjármálum og hæfni til að stjórna þeim. Nánar
Með því að vindurinn söng í stráum hófst tónlistarsagan samkvæmt hinni ævafornu goðsögn. Og óneitanlega er sú frásaga góð skýring á inntaki tónlistarinnar, í því felst að hún veki tilfinningar með manninum, stundum saknaðarins þegar manninum finnst eins og hann sé skilinn eftir, og eitthvað vanti uppá að líf hans sé eins og það á að vera.
Þetta segir dr. Gunnar Kristjánsson í hugvekju sem var flutt á Kóradegi Kjalarnessprófastsdæmis 5. febrúar í Víðistaðakirkju. Nánar
Á þriðjudagskvöldum í mars verður áhugaverð dagskrá á vegum Vídalínskirkju í Kjalarnessprófastsdæmi og Laugarneskirkju í Reykjavíkurprófastsdæmi vestra.
Þessir tveir söfnuðir bjóða nú í sameiningu upp á námskeið til að efla samvinnu í sambúð og hjónabandi. Þetta námskeið er ætlað öllum pörum sem finnst kominn tími til þess að ná nýjum árangri í samskiptum sínum. Nánar
Laugardaginn 5. febrúar verður haldinn Kóradagur prófastsdæmisins þar sem fjölmargir kirkjukórar leiða saman hesta sína í æfingum og tónlistarflutningi. Afrakstur Kóradagsins verður í tónlistarhelgistund í Víðistaðakirkju, kl. 17. Nánar
Nýlegar athugasemdir