Skip to main content

Prófastur hefur vísitasíur

Eftir Fréttir

Prófastur Kjalarnessprófastsdæmis, sr. Þórhildur Ólafs, fer nú um prófastsdæmið og vísiterar sóknirnar. Þegar hefur hún vísiterað Bessastaðasókn, Ástjarnasókn og Víðistaðasókn.

Í Bessastaðasókn fékk hún fréttir af starfinu og skoðaði allar aðstæður sem eru sífellt að verða betri, þökk sé samhentu átaki allra aðstandenda sóknarinnar. Sömuleiðis átti prófastur gott spjall við forseta Íslands sem er nú nýtekinn við embætti og hefur yfir Bessastaðakirkju að segja.

Í Ástjarnasókn var spennandi að taka út stórglæsilegt safnaðarheimili sem nú rís þar fyrir einstaka elju starfsfólks og velunnara sóknarinnar. Prófastur tók þar undir áhyggjur heimamanna af prestamálum en ljóst er að prestakallið er of fjölmennt til að hafa eingöngu einn prest.

Í Víðistaðasókn var fróðlegt að heyra að faglegu kirkjulegu starfi og metnaðarfullum tilraunum til áframhaldandi safnaðaruppbyggingar á góðum grunni.

Á öllum stöðum hefur verið vel tekið á móti prófasti.

Haustfundir Kjalarnessprófastsdæmis

Eftir Fréttir

Haustfundir Kjalarnessprófastsdæmis fóru fram 21. og 22. september. Þar funduðu fyrst prestar og djáknar um sín mál og síðan formenn sóknarnefnda sem ræddu málefni sóknanna. Að lokum hefðbundnum fundi  fengu allir að njóta áhugaverðs námskeiðs frá Thomasi Möller um tímastjórnun og skipulag. Það sem lærðist þar mun vonandi koma að gagni í störfum fyrir sóknirnar.

Styttist í ráðstefnu með Rob Bell

Eftir Fréttir

Kjalarnessprófastsdæmi er samstarfsaðili að flottri ráðstefnu sem fara mun fram í Langholtskirkju 1. -2. september næstkomandi.

Rob Bell er bandarískur metsöluhöfundur, þáttastjórnandi og prestur. Skrif hans um trúmál hafa haft slík áhrif að Time Magazine hefur útnefnt Bell sem einn af 100 áhrifamestu mönnum heims. Rob Bell þykir einkar laginn við að ná sambandi við það fólk sem á erfitt með að tengja við boðskap trúarinnar og gæti því verið vegvísir fyrir okkur á Íslandi um hvernig beri að eiga samtal um trúna. Meðfram komu Rob Bell til landsins kemur út í íslenskri þýðingu bók hans : „Það sem við tölum um þegar við tölum um Guð“

Kjalarnessprófastsdæmi er samstarfsaðili að þessum flotta viðburði og því stendur prestum, djáknum, sóknarnefndarformönnum og æskulýðsfulltrúum í Kjalarnessprófastsdæmi til boða að mæta þeim að kostnaðarlausu. En það verður að skrá sig með því að senda tölvupóst á gretar.gunnarsson (hja) kirkjan.is. Hádegisverður og kaffi er innifalið.

Frekari upplýsingar um dagskrá viðburðarins er að finna á www.gudspjall.is

 

Færeyjarbiskup í móttöku prófasts

Eftir Fréttir

Í næstu viku mun Færeyjabiskup heimsækja íslands ásamt stóru fylgdarliði færeyskra presta. Mun Kjalarnessprófastsdæmi veita hópnum góðar viðtökur og  ætlar prófastur að bjóða þeim í kvöldverð í Strandbergi, safnaðarheimili Hafnarfjarðarkirkju.

Starfsviðtöl prófasts

Eftir Fréttir

Prófastur fer þessa dagana um prófastsdæmið og ræðir við prestana í í prófastsdæminu. Um er að ræða einskonar starfsviðtöl þar sem prófastur heyrir  hljóðið í prestum og leyfir þeim að meta störf sín og starfsaðstæður í sóknunum.

Vorfundir í Kjalarnessprófastsdæmi

Eftir Fréttir

Vorfundir Kjalarnessprófastsdæmis taka nú við hver að öðrum.

Vorfundur organista er 28. apríl kl 09.30 í Strandbergi, Hafnarfirði. Vorfundur presta og djákna er 3. maí kl. 09.30 í Strandbergi, Hafnarfirði og vorfundur sóknarnefndaformanna er 4. maí kl. 17.30 í Strandbergi, Hafnarfirði.

 

Héraðsfundur

Eftir Fréttir

Héraðsfundur Kjalarnessprófastsdæmis verður haldinn miðvikudaginn 20. apríl í Strandbergi, Hafnarfirði.

Öllum þjónandi prestum, djáknum, formönnum sóknarnefnda og safnaðarfulltrúum ber að sækja héraðsfund. Þeir sem ekki eiga heimangengt eru vinsamlega beðnir að sjá til þess að varamenn mæti í staðinn

Dymbilvika

Eftir Fréttir

Nú er merkilegur tími í kirkjum Kjalarnessprófastsdæmis og á öllu landinu. Dymbilvikan og fermingar er sérstakur tími sem krefjast mikils af prestum og öðru starfsfólki safnaðanna. Það er vonandi að prestarnir séu betur settir fyrir þau verkefni eftir námskeið vetrarins í raddþjálfun, streitustjórnun, kirkjutónlist og fleiru.

Streita og streitustjórnun

Eftir Fréttir

Nýverið fengu prestar og djáknar skemmtilega fræðsluheimsókn frá Jakobi Gunnlaugsson sálfræðingi. Jakob starfar hjá vinnvernd og fræddi presta og djákna um streitu og streitustjórnun í starfi.

Námskeið í raddbeitingu

Eftir Fréttir

Hópur presta hefur undanfarnar tvær vikur fengið sérstaka þjálfun í raddbeitingu bæði við söng og tal. Um er að ræða námskeiðið byggir á aðferðarfræðinni Complete Vocal Technique og er í umsjón Örnu Rúnar Ómarsdóttur og Þórunnar Ernu Clausen. Það er ekki vanþörf á enda nota prestar rödd sína mikið bæði til tals og söngs frammi fyrir mörgum. Námskeiðið er hálfnað.

X